சிரஞ்சீவி - த்ரிஷாவின் விஸ்வம்பரா லேட்டஸ்ட் அப்டேட் !

தமிழ் ரசிகர்களின் இதயங்களை வென்ற இளவரசி த்ரிஷா, இப்போது மெகாஸ்டார் சிரஞ்சீவியுடன் கைகோர்க்கிறார்! இது த்ரிஷாவுக்கு சரித்திரத் திரைப்பட அறிமுகமாக அமையப் போகிறது. சரித்திரப் பின்னணியில் உருவாகவிருக்கும் விஸ்வம்பராவில் த்ரிஷாவின் கதாபாத்திரம் மிகவும் முக்கியத்துவம் வாய்ந்ததாகக் கூறப்படுகிறது. விஸ்வம்பராவுக்காக பிரத்யேகமாக போர்க்கலைகள் மற்றும் குதிரையேற்ற பயிற்சிகளிலும் அவர் ஈடுபட்டு வருகிறார்

50 நாட்கள் ஒதுக்கிய த்ரிஷா

ஏற்கனவே பல முன்னணி நாயகர்களுடன் நடித்து மிகப்பெரிய ரசிகர் பட்டாளத்தை உருவாக்கியுள்ள த்ரிஷா, முதல் முறையாக சிரஞ்சீவியுடன் ஜோடி சேரவுள்ளார். தெலுங்குத் திரையுலகில் வசூல் சக்கரவர்த்தியாகக் கொண்டாடப்படும் சிரஞ்சீவி, சமீபகாலமாக பிரம்மாண்டமான கதைகளைத் தேர்ந்தெடுத்து நடித்து வருகிறார்.

அந்த வகையில் ‘விஸ்வம்பரா’ திரைப்படத்தின் மீது ரசிகர்களின் எதிர்பார்ப்பு உச்சத்தில் உள்ளது. இப்படத்துக்காக த்ரிஷா முழுவீச்சில் தயாராகி வருவது இவரின் ரசிகர்களுக்கு இனிப்பான வியப்பை அளித்துள்ளது.

தெலுங்கில் இதுவரை இல்லாத கதாபாத்திரம்!

சிரஞ்சீவியின் கதாபாத்திரத்திற்கு இணையான வலிமையான கதாபாத்திரத்தில் த்ரிஷா இந்தத் திரைப்படத்தில் நடிக்கவுள்ளதாக அதிகாரப்பூர்வ செய்திகள் வந்துள்ளன. அதற்காகவே இந்த கதாபாத்திரத்திற்கு 50 நாட்கள் கால்ஷீட் ஒதுக்கியுள்ளார் த்ரிஷா. அவர் நடிக்கப்போகும் இத்தகைய பெண் கதாபாத்திரம் தெலுங்குத் திரையுலகிற்குப் புதியது என்னும் கூடுதல் சுவாரஸ்யத்தோடு ரசிகர்கள் படத்தை எதிர்நோக்கியுள்ளனர்.

அதிரடி அவதாரம்

கடந்த 20 ஆண்டுகளுக்கும் மேலாக திரையுலகை வலம் வரும் த்ரிஷாவுக்கு, முன் எப்போதும் இல்லாத வகையில் இந்தப் படத்தில் வழக்கத்துக்கு மாறான அதிரடியான தோற்றம் கிடைத்துள்ளதாகத் தெரிகிறது. அவரது வலிமையான கதாபாத்திரம் ரசிகர்களின் பார்வையில் கம்பீர இளவரசியாக அவரை நிலைநிறுத்தும் என்று விமர்சகர்கள் கருதுகின்றனர்.

சமந்தாவுக்கு ஏமாற்றமா?

சற்று முன்பு வரை இந்த வலிமையான பெண் கதாபாத்திரத்தில் நடிக்கப் போவது சமந்தா என்று கிசுகிசுக்கப்பட்டது. தற்போது அவரது உடல்நல நிலையை அடுத்து, அதிகப்படியான சண்டைக் காட்சிகளை உள்ளடக்கிய விஸ்வம்பரா படத்தில் இருந்து விலகும் சூழல் அவருக்கு உருவாகியுள்ளது. வாய்ப்பை நழுவவிட்ட சமந்தாவின் ரசிகர்களுக்கு இது அதிர்ச்சியான செய்தியாக அமைந்துள்ளது.

சிரஞ்சீவி 'விஸ்வம்பரா' : வெளியானது ரிலீஸ் தேதி

இதற்கிடையில் 'விஸ்வம்பரா' திரைப்படத்தின் அதிரடி ப்ரோமோ டீசர், இன்று இணையத்தில் வெளியானது. தற்போது வரை தெலுங்கில் மட்டுமே அதிக ரசிகர்களைக் கொண்டுள்ள சிரஞ்சீவிக்கு பான் இந்தியா அளவில் ரசிகர்களை வசீகரிக்கும் எதிர்பார்ப்போடுஇந்த டீசர் உருவாக்கப்பட்டுள்ளது.

மேலும், படத்தின் ரிலீஸ் தேதி 2025 ஜனவரி 10 என தகவல் வெளியாகியள்ளது. கலவையான விமர்சனங்கள் எழுந்தாலும் இந்த அசத்தலான புதிய ப்ரோமோ வீடியோ, சிரஞ்சீவி மற்றும் த்ரிஷா ரசிகர்களுக்கு பலத்த வரவேற்பைப் பெற்றுள்ளது.