Sundakkai Health Benefits in Tamil-சுண்டைக்காயில் இவ்ளோ ஆரோக்ய நன்மைகளா?
சுண்டைக்காய் அல்லது பட்டாணி கத்தரிக்காய் என்று அழைக்கப்படும், இது ஆரோக்கியத்தின் ஒரு பெரிய பொக்கிஷம் ஆகும்.
HIGHLIGHTS
Sundakkai Health Benefits in Tamil
சுண்டைக்காய் பெரும்பாலும் வெப்பமண்டலங்களில் வளரக்கூடிய ஒரு தாவரமாகும். சுண்டைக்காயின் அறிவியல் பெயர் சோலனம் டோர்வம் ஆகும். இது தென் அமெரிக்காவின் புளோரிடாவிலிருந்து தோன்றியதாக கருதப்படுகிறது.
Sundakkai Health Benefits in Tamil
சுண்டைக்காய் பெரும்பாலும் பிரேசில், இந்தியா, மெக்ஸிகோ மற்றும் கரீபியன் நாடுகளில் அதிகமாக பயன்படுத்தப்படுகிறது. சுண்டைக்காயின் ஆரோக்கிய நன்மைகள் காரணமாக, அவை உலகம் முழுவதும் பரவியுள்ளன.
சுண்டைக்காய் சற்று கசப்பான சுவை கொண்டது. ஆனால் நீங்கள் அவற்றை சரியாக தயாரிக்கும் போது, நல்ல நறுமணத்துடன் அதிக சுவையை தரும். தமிழ்நாட்டில் பெரும்பாலும் மக்கள் இதை சுண்டவத்தல் குழம்பு செய்ய பயன்படுத்துகின்றனர்.
Sundakkai Health Benefits in Tamil
ஊட்டச்சத்து உண்மைகள்
சுண்டைக்காயில் முக்கியமாக கால்சியம் மற்றும் இரும்புச்சத்து வளமாக நிறைந்துள்ளன.எனவே, எலும்புகள் மற்றும் பற்களின் ஆரோக்கியத்திற்கு சுண்டைக்காய் இன்றியமையாதது.
சுண்டைக்காயில் கார்போஹைட்ரேட்டுகள் 7.03% மட்டுமே உள்ளன. மேலும், இது 86.23% நீரைக் கொண்டுள்ளதால், குறைவான கலோரிகளையே பெற்றுள்ளது.
Sundakkai Health Benefits in Tamil
சுண்டைக்காயில் நார்ச்சத்தும் நிறைந்துள்ளது, எனவே, இது செரிமானத்திற்கு சிறந்தது. மேலும், இதில் இரும்புச்சத்து ஏராளமாக இருப்பதால் இரத்த சோகை உள்ளவர்களுக்கு இது ஒரு சிறந்த தேர்வாக அமைகிறது.
100 கிராம் சுண்டைக்காயில் பின்வரும் ஊட்டச்சத்துக்கள் உள்ளன :
நீர்: 86.23%
கார்போஹைட்ரேட்: 7.03 கிராம்
புரதம்: 2.32 கிராம்
கொழுப்பு: 0.27 கிராம்
நார்ச்சத்து: 3.9 கிராம்
இரும்புச்சத்து: 7.6 மி.கி.
மாங்கனீசு: 1.9 மி.கி.
கால்சியம்: 22 மி.கி.
துத்தநாகம்: 2 மி.கி.
வைட்டமின் ஏ: 70 மைக்ரோ கிராம்
வைட்டமின் சி: 2.68 மிகி
Sundakkai Health Benefits in Tamil
சுண்டைக்காய் உண்பதால் கிடைக்கும் ஆரோக்கிய நன்மைகள்:
1. சுண்டைக்காய் உங்கள் நோய் எதிர்ப்பு சக்தியை பலப்படுத்துகிறது
சுண்டைக்காய் வைட்டமின் சி மற்றும் துத்தநாகம் ஆகியவற்றின் சிறந்த ஆதாரமாகும். இவை இரண்டும் நமது நோயெதிர்ப்பு மண்டலத்திற்கு அவசியமானவை.
மேலும், இது பாக்டீரியா மற்றும் வைரஸ் தடுப்பு பண்புகளையும் கொண்டுள்ளதால், சுண்டைக்காய் தீங்கு விளைவிக்கும் நுண்ணுயிரிகளிலிருந்து உங்களைப் பாதுகாக்கும்.
Sundakkai Health Benefits in Tamil
மேலும், சுண்டைக்காயின் விதை மற்றும் பழ சாற்றில் ஃபிளவனாய்டு (Flavanoid) எனப்படும் ஆக்ஸிஜனேற்றி உள்ளது. இதனால் சுண்டைக்காய் அழற்சி எதிர்ப்பு பண்புகளை கொண்டுள்ளது.
2. சுண்டைக்காய் உங்கள் கல்லீரல் மற்றும் சிறுநீரகங்களை பாதுகாக்கிறது
உங்கள் சிறுநீரகத்தையும் கல்லீரலையும் தீங்கு விளைவிக்கும் இரசாயனங்களிலிருந்து பாதுகாக்க சுண்டைக்காய் ஒரு சிறந்த தீர்வாக இருக்கும்.
எலிகள் மீது நடத்தப்பட்ட ஒரு ஆய்வில் சுண்டைக்காய் உடலின் ஆக்ஸிஜனேற்ற அழுத்தத்தை குறைப்பதால், சிறுநீரகம் மற்றும் கல்லீரல் பாதிப்பைத் தணிக்கும் என்பதைக் காட்டுகிறது.
மேலும், மற்றொரு ஆய்வில், டோக்சோரூபிகின் என்ற புற்றுநோய் மருந்தினால் ஏற்படும் சிறுநீரக பாதிப்பை சுண்டைக்காய் கணிசமாகக் குறைத்தது.
Sundakkai Health Benefits in Tamil
3. சுண்டைக்காய் நீரிழிவு நோயை கட்டுப்படுத்த உதவுகிறது
சுண்டைக்காய் ஆக்ஸிஜனேற்ற மற்றும் நீரிழிவு எதிர்ப்பு பண்புகளைப் பெற்றுள்ளது. மேலும், எலிகளில் மீது நடத்தப்பட்ட ஒரு ஆய்வில், சுண்டைக்காய் இரத்த சர்க்கரை அளவைக் கணிசமாகக் குறைத்தது.
சுண்டைக்காய் நீரிழிவு நோய்க்காக பாரம்பரியமாக மருந்தாகப் பயன்படுத்தப்பட்டு வருகிறது.
இருப்பினும், அதைக்கொண்டு நீரிழிவு எதிர்ப்பு மருந்தை உருவாக்க ஒரு சாத்தியம் இருப்பதாக ஆய்வுகள் காட்டுகின்றன.
Sundakkai Health Benefits in Tamil
4. சுண்டைக்காய் இரத்த அழுத்தத்தை குறைக்கிறது
பிரக்டோஸ் (Fructose) எனப்படும் ஒரு வகையான சர்க்கரை குளிர்பானங்கள் மற்றும் இனிப்புகளில் நிறைந்துள்ளது. இந்த பிரக்டோஸை அதிகமாக உன்பது உங்கள் இரத்த அழுத்தத்தை உயர்த்தக்கூடும்.
சுண்டைக்காய் அதிக பிரக்டோஸ் உட்கொள்ளலால் ஏற்படும் இரத்த அழுத்தத்தைக் குறைக்கும் ஆற்றலைக் கொண்டுள்ளது.
5. சுண்டைக்காய் புற்றுநோய் செல்கள் உருவாவதைத் தடுக்கிறது
சுண்டைக்காயில் ஆன்டிஆக்ஸிடண்ட்கள் மிக அதிகமாக இருப்பதாகத் தெரிகிறது. இது புற்றுநோய் செல்கள் உருவாகாமல் தடுக்க மிகவும் முக்கியமானது.
மேலும், சுண்டைக்காயில் புற்றுநோயை எதிர்க்கும் மெத்தில் காபேட் (Methyl Caffeate) எனும் வேதிப்பொருள் உள்ளது என ஆராய்ச்சிகள் காட்டுகின்றன.
Sundakkai Health Benefits in Tamil
6. இருமல் சளி தீர
ஆஸ்துமா, வறட்டு இருமல், மார்புசளி, காசநோய் தொந்தரவு இருப்பவர்கள், தினம் இருபது சுண்டைவற்றலை சிறிது நல்லெண்ணெயில் வறுத்து சாப்பிடவேண்டும். நோய் கட்டுப்படும். இது வயிற்றில் உள்ள பூச்சிகளை நீக்கும் இயல்புடையது. மூலத்தில் ஏற்படும் கடுப்பு, மூலச்சூடு மற்றும் வயிற்று கோளாறுகளுக்கும் சிறந்த மருந்தாகின்றது.
7. வயிற்றுப்பூச்சிகள் அழியும்
குழந்தைகளுக்கு ஏற்படும் ஊட்டச்சத்து பற்றாக்குறையை போக்க சுண்டைக்காய் உதவும். குழந்தையாக இருக்கும்போதே அவர்களுக்கு சுண்டைக்காயை உணவில் சேர்த்து, சாப்பிட பழக்கவேண்டும். சுண்டைக்காயை மாதம் இருமுறை உணவில் சேர்த்துக்கொண்டால், வயிற்றில் உள்ள பூச்சிகள் அழிக்கப்பட்டுவிடும்.
8. மூலநோய்
மூல நோய் உள்ளவர்கள் ஒரு கைபிடி அளவு சுண்டைக்காயை நெய்யில் வதக்கி சாப்பிட்டால், மூலத்தில் உள்ள கடுப்பு நீங்கும். மூல நோயால் உண்டாகும் ரத்தக் கசிவும் நீங்கிவிடும். புளித்த ஏப்பம், உடல் சோர்வு, மூட்டுவலி போன்றவைகளுக்கு சுண்டைக்காய் சிறந்த மருந்து. உணவில் அடிக்கடி சேர்த்துக்கொள்ளவேண்டும்.
Sundakkai Health Benefits in Tamil
9. வயிற்று நோய்கள்
சுண்டைவற்றல் சூரணத்தை தினம் ஒரு தேக்கரண்டி மோரில் கலந்து ஒரு மாதம் காலை, மாலை சாப்பிட்டுவந்தால் தொல்லை தரும் வயிற்று நோய்களில் இருந்து விடுபடலாம். சுண்டைக்காய் சிறுநீரை பெருக்கும் தன்மைகொண்டது. கல்லீரல், மண்ணீரல் நோய்களையும் நீக்க உதவுகின்றது.
10. இரத்தம் சுத்திகரிக்க
சுண்டைக்காயில் உள்ள கசப்பு தன்மை இரத்தத்தை சுத்தம் செய்வதோடு உடலில் நோய் எதிர்ப்பு சக்தியையும் அதிகப்படுத்தும். சர்க்கரை நோயாளிகளுக்கு ரத்தத்தில் சர்க்கரை அளவு குறைக்க செய்யும். சுண்டைக்காய் கிடைக்காத காலங்களில் சுண்டை வற்றலை பயன்படுத்தலாம்.
Sundakkai Health Benefits in Tamil
எடை இழப்புக்கு சுண்டைக்காய் நல்லதா?
உடல் எடை அதிகரிப்பதில் சுண்டைக்காயின் தாக்கம் தெளிவாக இல்லை. ஒரு ஆய்வு உடல் எடையில் குறிப்பிடத்தக்க அதிகரிப்பையும், மற்றொரு ஆய்வு குறிப்பிடத்தக்க குறைப்பையும் காட்டியது .
இருப்பினும், சுண்டைக்காய் இலைச்சாறு இரத்தக் கொழுப்பு மற்றும் உடல் எடையைக் குறைப்பதற்கான சிறந்த தீர்வாகத் தெரிகிறது.
சாத்தியமான பக்க விளைவுகள்
முதிர்ச்சியடையாத அல்லது சுற்றுச்சூழல் ரீதியாக பாதிக்கப்பட்ட சுண்டைக்காய் விஷம் கொண்டதாக இருக்கலாம், ஆனால் அது அரிதானது.
இவ்வாறு நச்சுத்தன்மை கொண்ட சுண்டைக்காயை உண்டவர்களுக்கு வயிற்றுப்போக்கு, உயர் இரத்த அழுத்தம் மற்றும் பலவீனம் போன்ற அறிகுறிகளை உருவாக்கியதாக ஒரு ஆய்வு காட்டுகிறது.
அவற்றை உட்கொண்ட பிறகு உங்களுக்கு ஏதேனும் இது மாதிரியான அறிகுறிகள் தோன்றினால், உங்கள் மருத்துவரை பாருங்கள்.
Sundakkai Health Benefits in Tamil
இந்த சிறிய சுண்டைக்காயில் இவ்வளவு அதிகமான ஆரோக்ய நன்மைகள் உள்ளன என அறிந்து கொண்டோம். அதன் ஊட்டச்சத்து குணங்கள் ஆச்சரியமானவை. எனவே, சுண்டைக்காயை தொடர்ச்சியாக உண்டு வருவது உங்கள் ஆரோக்யத்தை மேம்படுத்த உதவும்.