Period Days- பீரியட்ஸ் நாட்களில் இடுப்பு வலி, வயிறு வலி வருகிறதா? இதை செய்யுங்க, ப்ரீயா இருப்பீங்க!

Period Days, Attention Ladies- பெண் பிள்ளைகள் மாதவிடாய் வந்தாலே வயிறு வலி மற்றும் இடுப்பு வலியை எதிர்கொள்வது உண்டு. இதை குறைக்க கட்டுப்படுத்த உதவும் வீட்டு வைத்தியம் என்ன என்பதை தெரிந்துகொள்வோம்.

மாதவிடாய் நாட்களில் கருப்பையில் இருந்து வெளியேறும் உதிரபோக்கு புறணி சுருக்கங்களினால் வலி மற்றும் அசெளகரியத்தை உண்டு செய்யும். மாதவிடாய் பிடிப்புகள் என்று சொல்லப்படும் இது கீழ் முதுகு வலி, இடுப்பு அல்லது மேல் தொடைகளில் வலி, வயிறு வலி, அடி வயிறு வலி என்று மாதவிடாய் நாட்களில் தொடங்கி படிப்படியாக அதிகரிக்க செய்யும். 48- 72 மணி நேரம் வரை நீடிக்கும் இது பெண்களுக்கு வயதாகும் போது மாறக்கூடும். இந்த மாதவிடாய் வயிறு வலிக்கு உதவும் வீட்டு வைத்தியங்கள் என்ன என்பதை இங்கு தெரிந்துகொள்வோம்.

மாதவிடாய் கால வயிறு வலி போக்கும் உணவுகள்​

உணவில் சில மாற்றங்களை செய்வதன் மூலம் மாதவிடாய் வலியை குறைக்கலாம். ஒமேகா 3 கொழுப்பு அமிலங்கள், பழங்கள், காய்கறிகள், பருப்புகள், ஒல்லியான புரதங்கள் மற்றும் முழு தானியங்கள் நிறைந்த சமச்சீரான உணவை உட்கொள்வது உடல் ஆரோக்கியமாக வைக்க உதவுகிறது.

உணவில் நார்ச்சத்து மற்றும் குறைந்த எண்ணெய் கொண்ட உணவுகள் சேர்த்து வருவது செரிமானத்தை மேம்படுத்தவும் வயிற்றுஅசெளகரியத்தை குறைக்கவும் உதவும்.

உணவு போன்று உடல் நீரேற்றமாக இருப்பதும் வலியை குறைக்கும். நீரிழப்பு என்பது தசைப்பிடிப்புக்கு பொதுவான காரணமாக சொல்லப்படுகிறது. மூலிகை தேநீர் சேர்க்கலாம். இது இனிமையாகவும் நன்மை பயக்கும் வகையிலும் இருக்கும்.

குறுகிய கால இந்த உணவு மாற்றங்கள் மாதவிடாய் பிடிப்பை கட்டுப்படுத்தலாம்.

​அடிவயிறு மசாஜ் செய்வதால் மாதவிடாய் வயிறு வலி குறையும்

மாதவிடாய் நாட்களில் வயிறு வலி வந்தால் அடிவயிறு மசாஜ் செய்வது பிடிப்புகளை குறைக்கும். 2015 ஆண்டு ஆய்வு ஒன்றின்படி ரோஸ்மேரி, கெமோமில், பெப்பர்மிண்ட் போன்ற அத்தியாவசிய எண்ணெய் அடிவயிற்றில் மசாஜ் செய்யும் போது தசைப்பிடிப்பு கட்டுப்படுத்த உதவியது. சில துளி அத்தியாவசிய எண்ணெயை கெரியர் எண்ணெய் உடன் கலந்து பயன்படுத்துவது பலனளிக்கும். இதை தனித்து பயன்படுத்தக்கூடாது.

அத்தியாவசிய எண்ணெய் இல்லாதவர்கள் தேங்காய் எண்ணெய் கொண்டு வயிற்று பகுதியில் மென்மையாக மசாஜ் செய்வது இடுப்பு தசைகளை தளர்த்தி தசைப்பிடிப்பை தணிக்கும்.

​மாதவிடாய் வயிறு வலி குறைய உடற்பயிற்சி உதவும்

உடற்பயிற்சியில் ஈடுபடுவது பிடிப்புகள் இருக்கும் போது செய்யகூடாத ஒன்று என்று பலரும் நினைக்கிறார்கள். ஆனால் உடல் பயிற்சியை எல்லா காலங்களிலும் செய்யலாம். இது வலி நிவாரணம் அளிக்கும்.

வலியில் இருக்கும் போது கடுமையான உடற்பயிற்சி பலனளிக்காது. மெதுவாக நீட்டுவது. நடைபயிற்சி செய்வது அல்லது யோகா போன்றவை உதவலாம். உடற்பயிற்சியின் போது உடல் எண்டோர்பின்களை வெளியிடுகிறது. இது இயற்கை வலி நிவாரணியாக செயல்படுகிறது.

யோகா வகுப்பு ஒன்றில் கலந்து கொண்ட பங்கேற்பாளர்கள் 12 வாரங்கள் தொடர்ந்து செய்து வந்ததில் மாதவிடாய் பிடிப்பு குறைந்ததாக தெரிவித்தது குறிப்பிடத்தக்கது.

மாதவிடாய் வயிறு வலி குறைய அடிவயிற்றில் வெப்பத்திண்டுகள் உதவும்

அடிவயிறு வலி அதிகமாக இருக்கும் போது சூடான வெப்ப திண்டுகள் அல்லது சூடான தண்ணீர் பாட்டில் பயன்படுத்தலாம். இது தசைகளை தளர்வாக்கி அசெளகரியத்தை குறைக்கும். அடி வயிற்றில் இருக்கும் வெப்பம் கருப்பை தசை மற்றும் அதை சுற்றியுள்ள இடங்களில் அமைதிப்படுத்தும் குணம் கொண்டது. இது தசைப்பிடிப்பு மற்றும் அசெளகரியத்தை எளிதாக்க செய்யும்.

முதுகுவலியாக இருந்தாலும் வெப்ப திண்டு முதுகுக்கு வைக்கலாம். சூடான குளியல் மூலம் வயிறு, முதுகு மற்றும் கால்களில் தசைகளை தளர்த்தலாம்.

​மாதவிடாய் வயிறு வலிக்கு அக்குபஞ்சர் சிகிச்சை உதவும்​

அக்குபஞ்சர் என்பது முடி இழையை விட மெல்லிய ஊசி கொண்டு தோலின் மேல் வலியுள்ள பகுதியில் செய்யப்படும் மருத்துவம். இந்த அக்குபஞ்சர் அதாவது குத்தூசி மருத்துவம் மாதவிடாய் பிடிப்பை குறைக்கும் என்று நம்பகமான ஆதாரம் ஒன்று கூறியுள்ளது.

இந்த சிகிச்சை மாதவிடாய் வீக்கத்தை குறைக்கலாம். எண்டோர்பின்கள் வெளியிடுவதால் தசைப்பிடிப்பு குறைந்து ஓய்வெடுக்க உதவுகிறது. மாதவிடாய் தோறும் பிடிப்பு அதிகமாக இருந்தால் அவர்கள் குத்தூசி மருத்துவத்தின் மூலம் வயிறு வலி குறைவதை பார்க்கலாம்.

மாதவிடாய் வயிறு வலிக்கு மாத்திரைகள் பயன்படுத்தலாம்​

சில பெண்களுக்கு மாதவிடாய் வயிறு வலியானது மிக மோசமாக இருக்கும். அவர்களால் அன்றாட வேலைகளை கூட செய்ய முடியாது. இந்நிலையில் வீட்டு வைத்தியமும் வயிறு வலியின் அளவை கட்டுப்படுத்த முடியவில்லை எனில் வலி குறைய ஆஸ்ப்ரின் போன்ற வலி நிவாரணி மருந்துகளை முயற்சிக்கலாம். இவை வீக்கம் , வலி மற்றும் மாதவிடாய் பிடிப்புகள் நீக்கும் என்றாலும் சுயமாக எடுக்க கூடாது. மாதவிடாய் பிடிப்புகளை போக்க பரிந்துரைக்கப்பட்ட அளவு மற்றும் காலம் குறித்து அறிந்துகொள்ள டாக்டரை அணுகுவது அவசியம்.

​கடுமையான உதிரப்போக்கு, கடுமையான பிடிப்புகள் மோசமான அசெளகரியம் போன்ற நிலையில் டாக்டரை அணுகுவது பாதுகாப்பானது.

குறிப்பு; இந்த குறிப்புகள் மருத்துவ ஆலோசனைகள் மட்டுமே. தேவைப்பட்டால் டாக்டர்களின் ஆலோசனையை பெறுவதே சிறந்தது.