நாமக்கல்லில் விளையாட்டு மேம்பாட்டு ஆணையம் சார்பில் கோடைகால நீச்சல் பயிற்சி முகாம் துவக்கம்

நாமக்கல்,

தமிழக விளையாட்டு மேம்பாட்டு ஆணையம் சார்பில், நாமக்கல்லில் கோடைகால நீச்சல் பயிற்சி முகாம் துவங்கியது.

நாமக்கல் கலெக்டர் ஆபீஸ் அருகில் உள்ள மாவட்ட விளையாட்டுத் திடலில், நீச்சல் பயிற்சிக் குளம் அமைக்கப்பட்டுள்ளது. அந்த குளத்தில், ஆண்டு தோறும் கோடைகால நீச்சல் பயிற்சி முகாம் நடத்தப்படுகிறது. அதன்படி, இந்த ஆண்டு, கோடைகால நீச்சல் பயிற்சி முகாம், நேற்று தொடங்கியது. இந்த பயிற்சி முகாம், நேற்று துவங்கி, வரும், ஜூன், 8 வரை நடக்கிறது. இத்திட்டத்திற்கு, 12 நாட்களுக்கு கட்டணம் ரூ. 1,416ஐ ஆன்லைன் மூலம் செலுத்த வேண்டும். நீச்சல் கற்றுக்கொடுக்கும் திட்டத்தின் கீழ் 12 நாட்கள் பயிற்சி முகாம், 5 கட்டங்களாக நடைபெறும். நேற்று தொடங்கி வரும் 13 வரை முதற்கட்டம், ஏப். 15 முதல் 27 வரை, 2வது கட்டம், ஏப். 29 முதல் மே 11 வரை 3வது கட்டம். மே 13 முதல் 25 வரை 4வது கட்டம். மே 27 முதல் ஜூன், 8 வரை 5வது கட்டம் என நீச்சல் பயிற்சி கற்றுத்தரப்படுகிறது. அதேபோல், தினமும், காலை 6 மணி முதல் 7, 7 முதல் 8, 8 முதல் 9, மாலை 4 முதல் 5, 5 முதல் 6:00 மணி வரை நீச்சல் கற்றுக் கொடுக்கப்படும்.

மேலும் விபரங்களுக்கு, மாவட்ட விளையாட்டு அலுவலரை, 74017 03492 என்ற மொபைல் எண்ணில் தொடர்பு கொள்ளலாம். பயிற்சியில் கலந்து கொண்டு நிறைவு செய்பவர்களுக்கு சான்றிதழ் வழங்கப்படும். நீச்சல் தெரிந்தவர்களுக்கு, காலை 9 மணி முதல், மாலை 5 மணி வரை, ஒரு மணி நேரத்திற்கு, ஒரு நபருக்கு ரூ. 59 வீதம் செலுத்தி நீச்சல் பயிற்சி செய்யலாம்.