நாமக்கல்லில் 25ம் தேதி மாவட்ட தி.மு.க. செயற்குழு கூட்டம்

நாமக்கல்லில் 25ம் தேதி மாவட்ட

தி.மு.க. செயற்குழு கூட்டம்

நாமக்கல்,

நாமக்கல்லில் வரும் 25ம் தேதி கிழக்கு மாவட்ட திமுக செயற்குழு கூட்டம் நடைபெற உள்ளது.

இது குறித்து கிழக்கு மாவட்ட திமுக செயலாளர் ராஜேஷ்குமார், எம்.பி. வெளியிட்டுள்ள அறிக்கையில் கூறியள்ளதாவது:

நாமக்கல் கிழக்கு மாவட்ட தி.மு.க., செயற்குழு கூட்டம், வரும் 25ம் தேதி, செவ்வாய்க்கிழமை மாலை 6 மணிக்கு, மாவட்ட திமுக அலுவலகத்தில் நடைபெற உள்ளது. மாவட்ட அவைத்தலைவர் மணிமாறன் தலைமை வகிக்கிறார். தமிழக ஆதிதிராவிடர் நலத்துறை அமைச்சர் மதிவேந்தன், எம்.எல்.ஏக்கள் ராமலிங்கம், பொன்னுசாமி ஆகியோர் முன்னிலை வகிக்கின்றனர். கூட்டத்தில், வரும், மார்ச் 1ம் தேதி, திமுக தலைவரும், தமிழக முதல்வருமான ஸ்டாலின் பிறந்த நாளை சிறப்பாக கொண்டாடுவது குறித்தும், கட்சியின் ஆக்கப்பூர்வமான பணிகள் குறித்தும் ஆலோசனை செய்யப்பட உள்ளது.

கூட்டத்தில், முன்னாள் எம்.பி., எம்.எல்.ஏ.,க்கள், தலைமைக் கழக நிர்வாகிகள், மாவட்ட, நகர, ஒன்றிய, டவுன் பஞ்சாயத்து நிர்வாகிகள், சிறப்பு அழைப்பாளர்கள், அனைத்து சார்பு அணிகளின் நிர்வாகிகள், உள்ளாட்சி அமைப்புகளின் பிரதிநிதிகள் அனைவரும் தவறாமல் கலந்து கொள்ள வேண்டும் என அவர் வேண்டுகோள் விடுத்துள்ளார்.