மலைவாழ் பெண்களுடன் நடமானமாடி கொமதேக வேட்பாளர் ஓட்டுவேட்டை

கொல்லிமலையில் மழைவாழ் பெண்களுடன் பாரம்பரிய கும்மி நடனம் ஆடி கொமதேக வேட்பாளர் மாதேஸ்வரன் ஓட்டு சேகரித்தார்.

தமிழகத்தில் வருகின்ற ஏப்ரல் 19 ஆம் தேதியன்று, லோக்சபா தேர்தல் ஓட்டுப்பதிவு நடைபெற உள்ளது. இதையொட்டி, பல்வேறு அரசியல் கட்சியைச் சேர்ந்த வேட்பாளர்களும், சுயேட்சை வேட்பாளர்களும் தீவிர தேர்தல் பிரச்சாரத்தில் ஈடுபட்டு வருகின்றனர்.

நாமக்கல் லோக்சபா தொகுதியில், திமுக கூட்டணியில், கொங்குநாடு மக்கள் தேசிய கட்சி வேட்பாளர் மாதேஸ்வரன் உதயசூரியன் சின்னத்தில் போட்டியிடுகிறார். நாமக்கல் லோக்சபா தொகுதிக்கு உட்பட்ட ராசிபுரம், சேந்தமங்கலம், நாமக்கல், பரமத்திவேலூர், திருச்செங்கோடு, சங்ககிரி ஆகிய 6 தொகுதிகளிலும் தீவிர பிரச்சாரத்தில் ஈடுபட்டு வரும் வேட்பாளர் மாதேஸ்வரன், இன்று சேந்தமங்கலம் தொகுதிக்கு உட்பட்ட கொல்லிமலை பகுதியில் அதிகாலை முதலே பிரச்சாரத்தில் ஈடுபட்டார்.

அவர் கொல்லிமலை செம்மேடு பகுதியில் உதயசூரியன் சின்னத்திற்கு ஓட்டு கேட்டு பிரச்சாரம் செய்தார். அப்போது, மலைவாழ் பெண்களுடன், அவர் பாரம்பரிய கும்மி நடனம் ஆடி வாக்கு சேகரித்தார்.

பின்னர் மலைவாழ் கிராமங்களுக்கு சென்று, திமுக ஆட்சியில் கொல்லிமலை பகுதிக்கு செய்யப்பட்டுள்ள நலத்திட்டங்களை எடுத்துக்கூறி ஓட்டு சேகரித்தார். திரளான கொமதேக, திமுக மற்றும் கூட்டணி கட்சி பிரமுகர்கள் அவருடன் பிரச்சாரத்தில் கலந்துகொண்டனர்.